Description
I cilësuar si një nga 100 librat më të mirë shpirtërorë të shekullit të 20-të, historia e mrekullueshme e jetës së Paramahansa Joganandës ju udhëheq në një eksplorim të paharrueshëm të botës së shenjtorëve dhe jogive, shkencës dhe mrekullive, vdekjes dhe ringjalljes. Me një mençuri të madhe shpirtërore dhe një zgjuarsi që të bën për vete, ai hedh dritë mbi sekretet më të mistershme të jetës dhe universit – duke i hapur kështu zemrës dhe mendjes sonë rrugën drejt gëzimit, bukurisë dhe fuqive të pashtershme që ekzistojnë në jetën e çdo qenieje njerëzore.
Ky botim i plotë – i disponueshëm ekskluzivisht nga Self-Realization Fellowship, organizata e themeluar nga vetë autori – është i vetmi që përmbledh të gjitha porositë e tij për tekstin përfundimtar, duke përfshirë materialin e gjerë që ai shtoi pas botimit origjinal të vitit 1946.
About the author
Paramahansa Jogananda (1893–1952) konsiderohet gjerësisht si një prej figurave më të shquara shpirtërore të kohës sonë. I lindur në Indinë veriore, ai erdhi në Shtetet e Bashkuara në vitin 1920, ku për më shumë se tridhjetë vjet dha mësime mbi filozofinë e lashtë të Indisë, shkencën e meditimit të jogës dhe artin e të jetuarit shpirtëror të harmonizuar. Si i pari mjeshtër i madh i Jogës që jetoi dhe dha mësime në perëndim për një periudhë të gjatë kohe, ai udhëtoi gjerësisht dhe mbajti shumë leksione në të gjithë Amerikën e Veriut dhe më gjerë, duke folur në salla të qyteteve të mëdha të mbushura plot e përplot dhe duke nxjerrë në pah unitetin themelor që bashkon fetë e mëdha të botës. Ai ka frymëzuar miliona njerëz me rrëfimin e vet jetësor të shumëvlerësuar, Autobiografi e një Jogi, kumtesat pioniere mbi shkrimet e shenjta të lindjes dhe perëndimit dhe veprat e tjera të shumta të tij. Vepra shpirtërore dhe humanitare e Paramahansa Joganandës përçohet dhe vazhdohet sot më tej nga Self-Realization Fellowship, shoqëria ndërkombëtare që ai themeloi në vitin 1920 për të përhapur mësimet e tij në të gjithë botën.
