Description
A është vërtet e mundur
të flasësh me Zotin dhe të marrësh
përgjigje të qarta ndaj lutjeve?
Në këtë udhërrëfyes klasik, një mësues i mirënjohur shpirtëror i jep përgjigje kësaj pyetjeje por dhe të tjera çështjeve. Një udhëzues i parapëlqyer i kërkuesve shpirtërorë anembanë botës. Si Mund të Flisni me Zotin na tregon se si mund të lutemi me një intimitet më të ngushtë – në mënyrë që të krijojmë një marrëdhënie personale të thellë dhe shpirtërisht plotësuese me Hyjnoren. Është një libër që duhet mbajtur pranë kokës së shtratit, për të zbuluar pas çdo leximi perla të reja frymëzimi dhe mençurie.
About the author
Paramahansa Jogananda (1893–1952) konsiderohet gjerësisht si një prej figurave më të shquara shpirtërore të kohës sonë. I lindur në Indinë veriore, ai erdhi në Shtetet e Bashkuara në vitin 1920, ku për më shumë se tridhjetë vjet dha mësime mbi filozofinë e lashtë të Indisë, shkencën e meditimit të jogës dhe artin e të jetuarit shpirtëror të harmonizuar. Si i pari mjeshtër i madh i Jogës që jetoi dhe dha mësime në perëndim për një periudhë të gjatë kohe, ai udhëtoi gjerësisht dhe mbajti shumë leksione në të gjithë Amerikën e Veriut dhe më gjerë, duke folur në salla të qyteteve të mëdha të mbushura plot e përplot dhe duke nxjerrë në pah unitetin themelor që bashkon fetë e mëdha të botës. Ai ka frymëzuar miliona njerëz me rrëfimin e vet jetësor të shumëvlerësuar, Autobiografi e një Jogi, kumtesat pioniere mbi shkrimet e shenjta të lindjes dhe perëndimit dhe veprat e tjera të shumta të tij. Vepra shpirtërore dhe humanitare e Paramahansa Joganandës përçohet dhe vazhdohet sot më tej nga Self-Realization Fellowship, shoqëria ndërkombëtare që ai themeloi në vitin 1920 për të përhapur mësimet e tij në të gjithë botën.
